वर्षा कदम

आली भाऊबीज आली गं… दिवाळी सरत आली गं माहेरा जायची घाई गं कशी मी आवरू बाई गं उंबऱ्यात येरझारा गं भाऊ येई बोलावाया गं नवीच मी इथे आले गं सोडून कसं तिथ राहू गं हुरहूर जिवा लागे गं ओढ मायेची ओढे गं माझ्याविना ही तुळशी गं पोरकी होऊन सुकेल गं तिथून इथे आले गं इथली सावली […]

उठ गं बये रडतेस काय रोजचाच मार हा सहतेस काय कुणीच नाही येणार अश्रू पुसायला तूझेच तूला टिपायचेत, मग थांबव कि स्वतःला उठ गं बये तुझंच राज्य तुझ्याच घरात तुलाच सारे त्याज्य बसूदे चटके, उठूदे वळ दिवसाअखेर संपते गात्रातले बळ उंबरठ्याच्या आत राहील हे सारं संस्कारांना माती देऊन, नाही बाहेर कुणी बोलणारं ओढायचाय गाडा, एकटीच्याचं चाकावर […]

तुझ्या अंगणात जाईजुईचे गं सडे मन दुखे का गं सखे का गं झाले पाहून वेडे कळ उठे अंतरीही दावू कशी उघडून तुझ्या अंगणाचा हेवा कशी सांगू उलगडून सारे वाटे मज हवे, पर कसे ते मिळावे काटेरी च्या बना आम्ही सदोदित जगावे सुंगधाही पारखी मी, वाटेत काटेच काटे वेल लावू कुठे गं हा, ज्यात परिमळ दाटे वाटे, […]

माज्या कुकवाचा धनी, माज्या डोरल्याचा मनी कवातरि ऐक माज्या काळजातली गानी भिताडानाबी कळतंय रोजचं माज दुकनं तूला का कळू न्हाय, माज झिजून झिजून ह्ये जिणं संगटीने ऱ्हातुयस येकाच खोपीमंदी संगटीने पितुयस येकाच खापरातलं पानी तरी बी ऱ्हातुया कोरडंच वाळवंटावानी दावू कसं रं तूला, माज्या पिरितीतली ज्वानी खोपट्यातल्या गर्दीत हुडकू सांग कसं माज्या काळजातलं इप्सित सांगू तुला […]

नका हो नका लादू माझ्यावर रोजरोजच हे शिळेपण…. जरा पहा डोळे उघडून…. मीही एक माणूस आहे….डस्टबिन नाही !! उरलं अन्न, शिळ्या भाज्या घालतेच रोज याच्या पोटात नको वाटे वाया जाया, पण हे का रोज माझ्याच वाट्यात दिवसभराचा शीण, त्रागा आणि चिडचिड तुमची साचलेली गरळ नि मळमळ… चक्क येता नि सरळ ओतून देता या गृहीत धरलेल्या डस्टबिनपोटी […]

मोह होतोय मोहाचा स्वछंदी मोकळ जगण्याचा गगनातल्या उंचचउंच भरारीचा मुक्त उन्मेषी श्वासांचा स्वतःमध्ये रमण्याचा नि सुंदर रंग झेलण्याचा खळखळून बागडून हसण्याचा नि आनंद सोहळ्यात हरपण्याचा मोह वाटे इंद्रधनू रंगांचा गंधित भारित शहाऱ्यांचा मोहासंगे झुलण्याचा .. प्रवाहात वाहत जाण्याचा मोह नव्या उमेदीचा नि नव्या वाटा शोधण्याचा…. — वर्षा कदम.

एक बाई पाहिजे… घराला मायेच घरपण देण्यासाठी, चार भिंतींना बांधून ठेवण्यासाठी एक आई पाहिजे… संस्कारांची शिदोरी देण्यासाठी, मायेनं कुशीत घेण्यासाठी एक ताई पाहिजे… हक्काने पाठीशी घालण्यासाठी, मनातलं गुपित सांगण्यासाठी एक उमलती जाई पाहिजे… आपलं बालपण पाहण्यासाठी, प्रेमाचा झरा वाहण्यासाठी एक जाईची आई पाहिजे… आपलं सुखदुःख वाटण्यासाठी, साठीला साथ देण्यासाठी एक मायेची अंगाई पाहिजे…. निवांत घरट्यात विसावण्यासाठी, […]

जाणिवा ओल्या हव्या सखे शब्दांचं कोरडेपण नको शुभेच्छा ते श्रद्धांजली एकाच मापात तोलणं नको दिवसामागून रात्री जातात तसेच प्रहर ढकलू नको एक एक क्षण जगून घे शेवटी राहीलं जगायचं असं नको भेटून घे हवं त्याला नुसते आभासी चेहरे नकोत नाहीतर किमान बोलून बघ फक्त लेखणीचे खेळ नकोत माझ्यातला ‘मी’ शोधून बघ एकांत हवाचं एकटेपण नको छंदांत […]

चिऊताई चिऊताई भिजतोय गं मी, दार उघड तू नको माझ्या घरात,जा कुठेतरी दड चिऊताई चिऊताई कुडकुडतोय गं मी, दार उघड उठ जा इथून रे, मला नाही सवड चिऊताई चिऊताई खिडकीचे तरी कवाड उघड खिडकीतून येईल पाणी नकोचं ती धडपड चिऊताई चिऊताई मनाचे तरी दार उघड मला ऐकायचीचं नाही तुझी बडबड चिऊताई चिऊताई मी गेलो, आता तरी […]