तन मनातील तफावत

देह मनातील,  तफावत  दिसून येते  ।
चंचल असूनी मन सदैव,  शरीर परि बदलत राहते…१,

चैतन्ययुक्त मन सदा,  स्थिर न राहते केव्हांही  ।
जन्मापासूनी मृत्यूपर्यंत भाग दौड ती चालत राही…२,

परिस्थितीच्या चौकटीमध्यें,   विचारांचा दबाव राहतो  ।
शरीराच्या सुदृढपणाचा,  मनावरती परिणाम होतो…३,

दिसून येते केव्हां केव्हां,  मन अतिशय उत्साही  ।
परि शरीराचा अशक्तपणा,  मनास त्याक्षणी साथ न देई….४

विचित्र होते वातावरण ते,  जेव्हां मनास साथ ना मिळे  ।
विचारांच्या चुका होऊनी,  दु:खी होते जीवन सगळे…५

डॉ. भगवान नागापूरकर
संपर्क – ९००४०७९८५०
bknagapurkar@gmail.com