तीन गुणाचे जीवन

तीन गुणांनीं युक्त असूं द्या, तुमचे जीवन सारे ।
जीवन यश पताका तुम्हीं, फडकवित रहा रे ।।१।।

असती सारे ईश्वरमय, याच भूतला वरचे ।
प्रथम मान द्या हो प्रभूला, कार्य समजून त्याचे ।।२।।

आनंद घेऊनी संसारांचा, लक्ष्य असावे जीवनीं ।
निसर्गाचे हे चक्र फिरावे, विचार असूं द्या मनी ।।३।।

दुसऱ्याचा बघूनी आनंद, दुप्पट होई आपला ।
आयुष्यातील कांहीं भाग, अर्पा तुम्हीं समाजाला ।।४।।

तीन दिशात्मक जीवन जगा, यश तुमचे हातीं ।
जीवनातील आनंद घेतां, समाधान ते लाभती ।।५।।

डॉ. भगवान नागापूरकर
संपर्क – ९००४०७९८५०
bknagapurkar@gmail.com