|| हरि ॐ ||
धरणीवरती उतरती मेघ पांडुरंगी,
आषाढी या एकादशीचे,
पांडुरंगी धावते मन हे,
सफर करती वारकरी त्याचे !
वारकर्‍यांची वारी आषाढी एखादशी !
आम्हीं वारकरी विठ्ठलाचे,
वार न करती कोणावर ते,
वार मनातल्या षडरिपूवर ते,
आम्हीं पायकरी पंढरीचे !
आषाढीचा नेम वारकऱ्यांचा,
न चुकला गतानुगतीचा,
सदैव चाले भरभर पळभर,
कधी न कंटाळा, ना दमला विळभर !
वारकर्‍यांची वारी आषाढी एखादशी !
नाही रुसवा, नाही फुगवा,
नाही छोटा, नाही मोठा,
नाही श्रीमंत, नाही गरीब,
आम्हीं पायकरी पंढरीचे !
दुरुनी दर्शन पांडुरंगी कळसाचे,
भाग्य उजळे पायवारीचे,
चंद्रभागी स्नान उरकती ते,
दर्शन घ्याया समोर समोरी ते !
वारकर्‍यांची वारी आषाढी एखादशी !
नाही पाऊस, नाही वारा,
नाही सावली, नाही उन,
नाही भूक, नाही तहान,
आम्हीं पायकरी पंढरीचे !
पंढरी दर्शन विठूरायाचे,
समाधान मनी सत्कर्माचे,
चंद्रभागे तीरी देह विसावे,
रंगरंगी रूप निश्चळ दिसावे !
वारकर्‍यांची वारी आषाढी एखादशी !
नाही पुरुष, नाही स्त्री भेद,
नाही तरुण, नाही वृद्ध,
नाही उच्च, नाही निच्च,
आम्हीं पायकरी पंढरीचे !
श्री विठ्ठल, जयहरि विठ्ठल,
मुखात हा मंत्र महान,
झाले दर्शन विठुरायाचे,
चंद्रभागेच्या तीरावर ते,
आम्हीं वारकरी पंढरीच्या विठ्ठलाचे !
कृतकृत्यतेचे समाधान मुखी,
पांडुरंगी वारकऱ्यांच्या मुखी दिसे !
वारकर्‍यांची वारी आषाढी एखादशी !
जगदीश पटवर्धन, बोरिवली (प)
Leave a Reply