वाटसरु

लोचनातुनी ओघळता मौन तुझे
प्रीत अर्थवाही अश्रुतुनी पाझरते

तूं ही अशीच अबोली सुंदर मुग्धा
तुला शोधण्या ही नजर भिरभीरते

ग्रहगोलांच्या अवकाशी भास तुझे
संध्याछायेत तुझेच रूप ओसंडते

मनगवाक्षी कवडसेच तव प्रीतीचे
अंतरंग माझे भावस्पर्शी दरवळते

जन्मोजन्मीचे नाते ऋणानुबंधी
मनांतराला अलवार कुरवाळीते

अशीच सुंदर मौनी प्रीत लाघवी
या श्वासाला शांत जगवित रहाते
*********
–वि.ग.सातपुते.(भावकवी)
(9766544908)

रचना क्र. 321

6/11/2022