यशासाठी प्रयत्नाची दिशा

प्रयत्न करिता जीव तोडून,  जेव्हा यश तुम्हा न येई

सोडून देता त्याला तुम्ही,  नशिबास दोष देत राही..१

दोष नका देवू नशिबाला,  मार्ग निवडले तुम्ही चुकीचे

का न मिळाले यश तुम्हा,   मूल्यमापन करा प्रयत्नाचे…२

चूक दिशेने प्रयत्न होता,  वाहून जातो सदा आपण

यश जेव्हा मिळत नसते,  निराश होवून जाते मन…३

पुनः पुन्हा प्रयत्न करूनी,  यश न आले तुमचे हाती

प्रयत्नाची दिशा बदलता,  जुळून सहजच सारे येती…४

डॉ. भगवान नागापूरकर

९००४०७९८५०