दाण्याचे लाडू

साहित्य : दाणे अर्धा किलो, खजूर एक पाव, गुळ एक वाटी, सुकं खोबरं एक वाटी, खसखस दोन चमचे, तूप चमचाभर, वेलचीपूड एक चमचा

कृती : दाणे खमंग भाजून सोलून घ्यावे. खजूर बिया काढून, तुपावर परतून घ्यावा. खसखस आणि खोबरे सुके भाजून घ्यावे. दाण्याचा कुट करून घ्यावा. खसखस, खोबरे मिक्सर मधून फिरवून बारीक करून घ्यावे. खजूर हाताने मऊ करून घ्यावा. गुळ खिसून घ्यावा. सगळे साहित्य एकत्र करून वेलची पूड घालावी आणि लाडू वळावे. हे लाडू आठ दिवस टिकतात (उरले तर).

काही टिप्स

१. हे अतिशय पौष्टिक लाडू आहे. आयर्न ने भरपूर.
२. लहान मुलांना सकाळी शाळेला जातांना दुधाबरोबर एक लाडू दिला तरी पोटाला आधार होतो.
3. उपासाला बरेच लोक खसखस खात नाही, तेंव्हा फक्त खसखस न घालता करावे.

– सोनाली तेलंग

About सौ. सोनाली अनिरुद्ध तेलंग 5 Articles

मी सोनाली अनिरुद्ध तेलंग, विज्ञान शाखेत स्नातक आहे. सध्या "conginitive science based brain and skill development for growing child " वर काम करते. मी गेली १०-१२ वर्ष वेगवेगळ्या विषयांवर लिखाण करते. लिखाणाचा रोख मुख्यत्वे मनुष्य स्वभाव, भारतीय संस्कृती ह्यावर असतो. आपले पदार्थ आपल्या पुढच्या पिढीला वारसा हक्कात देण्याची जवाबदारी आपली असते, त्यामुळे मराठी व इतर पाककृती स्वतः करते आणि सगळ्यांबरोबर शेअर करते.