उपवासाचे थालीपीठ

साहित्य : तीन वाट्या उपवासाचे भाजणीचे पीठ, एक मोठा बटाटा, चवीपुरते तिखट मीठ, दाणेकूट दोन टे.स्पून, थोडे तूप.

कृती : बटाटा साल काढून धुवा आणि त्याचा कीस करून तो पाण्यातून काढून पिळून ठेवा. ताटात पीठ, बटाटा कीस, दाणे कूट, तिखट, मीठ घेऊन चांगले मळून घट्ट गोळा बनवा. आचेवर तवा ठेवून त्यावर थोडे तूप सोडा. नेहमी प्रमाणे त्यावर थालीपीठ लावा. कडेने तूप सोडा. थालीपीठ उलटून भाजा व गरम गरम खा.