लहान कृषकांवरील लहान कविता

तशाच, अगदी तशाच, या लहान-लहान-कवितांच्या कड्या. वाचेवाचेतो, कळायच्या आधीच, त्या जातात सरून, पहातां-पहातां, चुटपुट लावून – सुभाष नाईक 

उंदीर, माकडं, पक्षी, टोळ, गुरं-ढोरं, भुरटे चोर, हे सर्व कमी पडतात, म्हणून की काय, साहेब-बाबू-पाटकरी मोंढ्यावरले व्यापारी शेतकर्‍याच्या पिकावर घालतात धाड त्यांच्यापुढे त्याचा काय पाड ! ते सगळे सुटलेले असतात मोकाट, अन् याचं तर संपलेलं […]

शेतकर्‍याकडे असतो लहाऽनसा वावराचा तुकडा एक घास खाईतो, कळायच्या आधीच, चावतां-चावतां, त्याचं साऽरं अन्नधान्य जातं संपूऽन – सुभाष नाईक 

‘पिकतं तिथं विकत नाहीं’, असं म्हणतात. पण, लहरी निसर्गामुळे शेतकर्‍याच्या मळ्यात कांहीं पिकतऽच नाहीं मग तो विकणार काय, दगडं ? – सुभाष नाईक 

करूं नको देवाचा धावा कर धावा तू नेत्यांचा कर्ज, व्याजही माफ कराया खरा फायदा लीडरचा – सुभाष नाईक 

सारी खोपी गेली झोपी कास्तकार, पण, तळमळतो पीक नाशतां, कर्ज ग्रासतां देवहि गरिबाला छळतो – सुभाष नाईक 

इरिगेशनचे ‘रावसाहेब’ इरिगेशनचे पाटकरी देवच ते ; जरि वारकरी मी कां जावें पंढरपुरी ? – सुभाष नाईक 

इरिगेशनच्या साहेबाची भलतीच ऐट असते पण तोवरच असते, जोवर धरणात पाणी असते. – सुभाष नाईक 

दर पाळीला पाणी देतो पिकात भरपूर हिस्सा घेतो जबरदस्त हा पाटकरी टोळधाड त्याहून बरी ! – सुभाष नाईक 

धरणातच पाणी थोडं पाटाला अपुरं पाणी पण, तेंही बटाईदारासाठी पाटकरी चोरून आणी – सुभाष नाईक