चिंतन

ज्याचे चिंतन आम्ही करतो
तोच ‘शिव’ चिंतन करतो
स्वानुभवे चिंतन करुनी
चिंतनशक्ति दाखवितो

जीवनाचे सारे सार्थक
लपले असते चिंतनात
चिंतन करुनी ईश्वराचे
त्यांच्यात एकरुप होण्यात

सारे ब्रह्मांड तोच असूनी
अंश रुपाने आम्ही असतो
जेव्हां विसरे बाह्य जगाला
तेव्हांच तयांत सामावतो

चिंतन असे निश्चीत मार्ग
प्रभूजवळ तो जाण्याचा
लय लागूनी ध्यान लागतां
ईश्वरमय होण्याचा

डॉ. भगवान नागापूरकर
९००५०७९८५०
e-mail – bknagapurkar@gmail.com

— डॉ. भगवान केशवराव नागापूरकर