|| हरि ॐ ||
भारतात चिऊताई जास्त संख्येने असणारा पक्षी
सर्वांना चिऊताईची ओळख सर्वसाक्षी
नर चिमणीचे कपाळ,
शेपटी पार्श्वभाग राखाडी,
कानाजवळ रंग पांढरा,
चोच कंठ, छाती असे काळी
डोक्यापासून खाली पोटाचा भाग पांढरा
पाठीवरी तपकिरी काळ्या तुटक रेषा!
मादीचा रंग मातकट तपकिरी,
चोच असे फिकट तपकिरी
बाकी वर्णन नरा परी!
माणसांच्या अगदी जवळच राहते,
कीटक, धान्य, कळ्या, मध,
शिजविलेले अन्न खाते
गवत, कापूस, पिसे आणि
मिळतील त्या वस्तू वापरून
घराचे छत, झाडांवर आणि
वळचणीच्या जागी घरटे बांधते!
झाडेही तोडली, मोबाईल टॉवरच्या
त्रासाने चिऊताईही उडाली
चिऊताईंच्या संख्येत
घट होताना दिसली!
पहाटेच्या समयी चिवचिवाटाने
जागही नाही आली!
पहिला जागतिक चिमणी दिवस
२० मार्च २०१० रोजी पाळला गेला,
त्यानंतर जागतिक चिमणी दिन म्हणून
दरवर्षी पाळला गेला!
— जगदीश पटवर्धन
Leave a Reply