दिलासा

ज्योतिष्याची चढूनी पायरी
जन्मकुंडली दाखवी त्याला
अडले घोडे ते नशिबाचे
कोणते अनिष्ट ग्रह राशीला

नशिबाची ती चौकट जाणूनी
आशा त्याची द्विगुणीत झाली
मनांत येता खात्री यशाची
जीव तोडूनी प्रयत्ने केली

प्रयत्नांती असतो ईश्वर
म्हणूनी मिळाले यश त्याला
आत्मविश्वास जागृत करण्या
‘भविष्य ‘ शब्द तो कामीं आला

डॉ. भगवान नागापूरकर
९००४०७९८५०
e-mail – bknagapurkar@gmail.com
३०२

— डॉ. भगवान केशवराव नागापूरकर