प्रेमवेडा …

जर मी तुझ्या
प्रेमात पडलो नसतो
तर कोठे असलो असतो ?
जगातील कोणत्यातरी पैशाच्या उकिरड्यावर गाढवासारखा
लोळत असतो…
एखाद्या बैलासारखा जगात कोणाच्यातरी सुखासाठी
राबत असतो…
मदमस्त हत्तीसारखा माझ्याच
खोटया अहंकारात
फिरत असतो…
जगातील निरर्थक सुखे
मिळविण्यासाठी निरर्थक
भटकत असतो…
भविष्याच्या उदरात मी
इतक्या सहज
शिरलो नसतो…
माझ्या जन्माचं रहस्य
मी जाणूच
शकलो नसतो…
जगातील सारी दुःखें
मी समजू
शकलो नसतो…
ज्ञानाच्या गुहेत वेड्यागत
मी कधीच
शिरलो नसतो…
माझ्या ज्ञानाची पणती
जगासाठी लावू
शकलो नसतो…
माझ्या कविते मी
जगात या
प्रेमवेडा असतो…