भोंडले (१)





ऐलोमा पैलोमा वरळीच्या देवा

माझा प्रोग्रॅम होऊ देईन तुला मेवा

माझ्या प्रोग्रॅम लागला मराठी चॅनलवर

तिकडून आला नातू त्याने बदलला सत्वर

एक चॅनल बदलू बाई

दोन चॅनल बदलू

दोन चॅनल बदलू बाई

झी चॅनल बदलू

झी चॅनल बदलू बाई

सोनी चॅनल बदलू

सार्‍या चॅनलची चाचणी

पहाल तेथे नाचगाणी

करिष्मा समता मनाली बौंद्रे

भोवती नाचती हूप हूप वानरे

आकूया वाकूया अर्धे शरीर झाकूया

करिष्मा तुझी पाच वर्षे

मनालीची सहा वर्षे

नंतर मनाही राहणार भाव

आहे तोवर खावा भाव

— सौ. सुधा मोकाशी