|| हरि ॐ ||
मन माझे पाखरू
बघते धरू आभाळ,
विहारते किती उंच
ठाऊक क्षितिज मृगजळ !
मना मनाच्या साखळ्या
गुंतता गुंती गुंता,
सोडविण्या त्या सगळ्या
हैराण जीव पुरता !
मना मनाचे द्वैत
भांडते आतल्या आत,
भांड भांडूनिया भूस
नकळे कश्यात अंत !
होण्या मन मोकळे
फिरे गरगरा भोवर्यावाणी,
पळे इकडून तिकडे,
मग भटके रानोमाळी !
मन गेले बुद्धीकडे
विचारावया यावरील उपाय,
फिरवी बुद्धी प्रेमाने
मनाच्या डोक्यावरुनी हात !
सांगतसे बुद्धी मनाला
युक्तीच्या गोष्टी चार,
शांती, तृप्ती, प्रेम, आनंद
मान मनाचा आधार !
फिरू नको दारोदारी
सोडवीण्या मनातील गुंता,
तुझ्या मनाचा लगाम
दे माझ्या हाता !
जगदीश पटवर्धन, बोरिवली (प)
— जगदीश पटवर्धन
Leave a Reply