तू सोड सोड भाऊ । दुष्ट दारूला॥

वीर सावरकरांनी १९२६ साली व्यसनमुक्ती वर लिहिलेली कविता

तू सोड सोड भाऊ । दुष्ट दारूला॥

भुरळ घातली या पेयाने कैसी रे तुजला।
तू सोड सोड भाऊ । दुष्ट दारूला॥

पैसे देऊनी विषास पीशी। हे न कळे तुजला।
तू सोड सोड भाऊ । दुष्ट दारूला॥

मिळे कुठे जी कवडी दमडी। देशी बाटलीला।
तू सोड सोड भाऊ । दुष्ट दारूला॥

देशिल तरी मग भुकेस कुठला। घास मुलाबाळा।
तू सोड सोड भाऊ । दुष्ट दारूला॥

शुद्धी जातसे मारीसी घरच्या। दीन बायकोला।
तू सोड सोड भाऊ । दुष्ट दारूला॥

क्षणिक सुखास्तव मिळविसी मातीस। सगळ्या जन्माला।
तू सोड सोड भाऊ । दुष्ट दारूला॥

— स्वातंत्र्यवीर सावरकर,
1926 – रत्नागिरी