आज-उद्या

‘उद्या’ साठी जगतो आम्हीं   राहून मृत्युच्या दाढी  ।
भविष्यांतील सुख कल्पूनी   आज सारे कष्ट काढी  ।।

‘आज’ राहतो नजिक सदैव    ‘उद्या’ चालतो पुढे पुढे ।
आज नि उद्या यांची संगत     कधीही एकत्र न पडे  ।।

कष्ट ‘आज’ चे शिरीं वाहूनी   ध्येय ‘उद्या’ चे बघती ।
हातीं न कांही पडते तेव्हां     निराश सारे होती  ।।

समाधान  चित्तीं आणण्या   प्रयत्न सारे ‘आज’  व्हावे ।
‘आज क्षणाला’ अस्तित्व असतां   भविष्याला सोडून द्यावे ।।

डॉ. भगवान नागापूरकर 

९००४०७९८५०

bknagapurkar@gmail.com