अभिनेत्री गौतमी गाडगीळ कपूर

अभिनेत्री गौतमी गाडगीळ कपूर  यांचा जन्म २१ जून १९७४

एके काळी ‘बिनधास्त’ या चित्रपटातून लोकप्रिय झालेली अभिनेत्री गौतमी गाडगीळ कपूर त्या वेळी हिंदी मालिकांच्या दुनियेत शिरली. छोटय़ा पडद्यावरही एकता कपूरच्या मालिकांमधूनही तितकीच यशस्वी ठरलेल्या गौतमी पुन्हा हिंदी मालिका आणि चित्रपटांमधून सक्रिय झाली. सोनी टीव्हीवर गाजलेल्या ‘परवरिश’ मालिकेच्या दुसऱ्या पर्वात गौतमी काम केले होते. सातत्याने हिंदीत काम करीत राहिल्याने आपल्याला मराठी चित्रपटांमध्ये रस नाही, असा बहुधा लोकांचा समज झाला असावा. मला खरोखरच मराठी चित्रपटात काम करायचे आहे, असे गौतमीने एका मुलाखतीत सांगितले होते.
गौतमी गाडगीळ ने ‘बडे अच्छे लगते हैं’ या प्रसिद्ध मालिकेसोबतच अनेक सिनेमांमध्ये झळकलेले अभिनेते राम कपूर यांच्या सोबत २००३ मध्ये लग्न केले आहे.

राम कपूर आणि गौतमी गाडगीळ यांच्या लव्ह स्टोरीला ‘घर एक मंदिर’ या मालिकेच्या सेटवर सुरुवात झाली होती. त्यावेळी गौतमीचे मॉडेलिंग करिअर यशोशिखरावर होते, तर रामसुद्धा टीव्ही मालिकांच्या माध्यमातून स्वतःचे करिअर सावरत होता. एका मालिकेत गौतमीने रामच्या वहिनीची भूमिका वठवली होती. सेटवर होणा-या भेटीचे रुपांतर सुरुवातीला मैत्रीत आणि नंतर प्रेमात झाले.

गौतमीने अभिनेता राम कपूरशी विवाह केल्यानंतर एकूणच कारकीर्दीला अर्धविराम दिला होता. गौतमीचे हे दुसरे लग्न आहे. तिचे पहिले लग्न कमर्शिअल फोटोग्राफर मधुर श्रॉफसोबत झाले होते. मात्र लग्नाच्या काही दिवसांतच हे दोघे विभक्त झाले.

लिपस्टिक, धड़कन, कहता है दिल, क्योंकि सास भी कभी बहू थी, परवरिश, परवरिश-२ या मालिकेत गौतमी दिसली आहे.

— संजीव वेलणकर. 

९४२२३०१७३३

पुणे.