अभिनेत्री स्वाती देवल

अभिनेत्री स्वाती देवल यांचा जन्म ४ जुलैला झाला.

स्वाती देवल हिने झी मराठीच्या २०१० मधील फु बाई फु या शो मध्ये सहभाग नोंदविला होता. त्यात तिने अभिनेता संदीप पाठक सोबत काम केले होते. विशेष म्हणजे या शोचेही सूत्रसंचालन निलेश साबळे यांनी केले होते. स्वातीने कळत नकळत, कुंकू, वादळवाट, विवाहबंधन, पुढचं पाऊल, पारिजात अशा अनेक मालिकांमध्ये उत्तम अभिनय केला आहे. तसेच तिने ‘वन टू का फोर’ या नाटकात देखील उत्तम अभिनय केला आहे. विशेष म्हणजे केवळ मराठीच नाही तर स्वातीने हिंदी मालिकांमध्येही तिच्या अभिनयाचा ठसा उमटविला आहे. स्वातीने तुषार देवल सोबत ऑक्टोबर २००३ मध्ये लव्ह कम अरेंज मॅरेज केले आहे. हे दोघेही मुळचे डोंबिवलीचे आहेत.

घडलंय बिघडलंय, इंडियाज बेस्ट ड्रामेबाज, रणवीर कॅफे, हास्यसम्राट अशा अनेक शोजसाठी तुषार देवलने संगीत संयोजक म्हणून भूमिका बजावली आहे. तसेच तो सध्या ‘चला हवा येऊ द्या’ या गाजत असलेल्या शोमध्ये संगीत संयोजकाची भूमिका पार पाडत आहे.

— संजीव वेलणकर. 

९४२२३०१७३३

पुणे.