आधुनिकता

नवलाईचे विश्व सारे,  नवलाईतच जगते  ।
आगळ्याच्या शोधामध्यें,   नव-नवीन इच्छीते  ।।

ताजे वाटते आज जें,   शिळे होई उद्यांच ते  ।
प्रवाही असूनी जीवन,   बदल घडवीत जाते  ।।

मुल्यमापन बदलांचे,   संस्कारावरी अवलंबूनी  ।
परिस्थीतीच्या भोवऱ्यामध्यें,  विचार फिरे क्षणोंक्षणीं  ।।

मुळतत्व ते राही कायम,   आकार घेई जसा विचार  ।
ताजा शिळा भाव मग तो,   ठरविला जाई वेळेनुसार  ।।

डॉ. भगवान नागापूरकर
संपर्क – ९००४०७९८५०
bknagapurkar@gmail.com