भाव जाण तू देवा

कर पडले चरणीं

भाव जाण देवा   ।।धृ।।

 

देह झुकला पुढती

लिनतेनें मान वाकती

मनाची करूनी एकाग्रता

भावनेला वाट देतां

अश्रू दाटले नयनी  अंतरीचा दिसे ओलावा    १

कर पडले चरणी   भाव जाण  देवा,

 

प्रथम येई भावना,

जागृत करते मनां

मनाचा ताबा देहावरी

तेच तुजला प्रणाम करी

घे प्रभू जाणूनी   अत:करणातील ठेवा   २

कर पडले चरणी  भाव जाण  देवा

 

मुखीं नाम तुझे घेई

देह सारा शहारून जाई

आनंदाची फूटते उकळी

नाचते मन सर्व काळी

मनाचा चंचल स्वभाव   समजोनी तूं घ्यावा   ३

कर पडले चरणी   भाव जाण  देवा

 

डॉ. भगवान नागापूरकर

संपर्क – ९००४०७९८५०

bknagapurkar@gmail.com