दगड

दगड फुटतो, शिल्प बनतो
दगड रंगतो, रस्ता सांगतो

दगड घडतो, घर बांधतो
दगड जमतो, डोंगर बनतो

दगड बनतो, चंद्रावर जातो
दगड पळतो, चिंचा पाडतो

दगड जोडतो , पूल बनतो
दगड सोसतो, साज सजतो

दगड बोलतो, नावं सांगतो
दगड खुलतो , अंक मोजतो

दगड पळतो, खेळ खेळतो
दगड कोरतो , गुहा बनतो

दगड रूळतो, जातं पळवितो
दगड कष्टतो, उखळ बनतो

दगड तापतो, भाकरी भाजतो
दगड डुलतो, कथा सांगतो

दगड रडतो, अश्रू ढाळतो
मुलांच्या गाण्याला, सूर लावतो

विठ्ठल जाधव
शिरूरकासार, जि.बीड
मो.9421442995