देह ईश्वरी रूप

स्नान करूनी निर्मळ मनीं,   दर्पणापुढे  येऊन बसला  ।

जटा साऱ्या एकत्र बांधूनी,   भस्म लाविले सर्वांगाला  ।।

ओंकाराचा शब्द कोरला,   चंदन लावूनी भाळावरती  ।

रूद्राक्षाच्या माळा बांधल्या,   गळा हात नि शिरावरती  ।।

वेळेचे भान विसरूनी,   तन्मय झाला रूप रंगविण्या  ।

प्रभू नाम घेत मुखानें,  नयन आतूर छबी टिपण्यां  ।।

पवित्र आणि मंगलमय,  वाटत होते स्वरूप बघूनी  ।

सजविला होता देह त्यानें,  प्रभूचेच एक रूप समजूनी  ।।

डॉ. भगवान नागापूरकर

९००४०७९८५०