ध्यान स्थिती

जेव्हां मजला कळत होते,  निद्रेत आहे मी

जागृत स्थिती असूनी मनाची,  शरीर होते निकामीं  ।।१।।

निद्रेमधल्या स्थितीत जाता,  जाग न राही तेथे

जागेपण आणि निद्रा दोन्हीं,  एकत्र न येते  ।।२।।

निद्रावस्था नि जागेपणा,  याहून दुजे कोणते ?

ध्यान स्थिति ही आगळी असूनी,  मध्य बिंदू साधते  ।।३।।

देह मनाला विश्रांती देई,  ध्यान अवस्था ही

ध्यानामधली ऊर्जा सारी,  ईश्वरार्पण होई  ।।४।।

 

डॉ. भगवान नागापूरकर

९००४०७९८५०

bknagapurkar@gmail.com