माजी केंद्रीय मंत्री दिग्विजय सिंह

कॉंग्रेसचे ज्येष्ठ नेते आणि माजी केंद्रीय मंत्री दिग्विजय सिंह यांचा जन्म दि. २८ फेब्रुवारी १९४७ रोजी झाला.

दिग्गीराजा अशी ओळख असलेले दिग्विजय सिंह हे जवळजवळ ५० हून अधिक वर्षे भारतीय राजकारणात सक्रिय आहेत.
दिग्विजय सिंह यांचे प्राथमिक शिक्षण डेली कॉलेज इंदूर येथून झाले. यानंतर, श्री गोविंदराम यांनी इंदूरच्या सेसरिया इन्स्टिट्यूट ऑफ टेक्नॉलॉजी अँड सायन्स येथून त्यांनी अभियांत्रिकी पदवी घेतली. दिग्विजय सिंह यांची राजकीय कारकीर्द १९७१ पासून सुरु झाली.१९७१ मध्ये ते राघोगढ महानगरपालिकेचे अध्यक्ष झाले.पुढे दिग्विजय सिंह यांनी १९७७ मध्ये कॉंग्रेसच्या तिकिटावर राघोगड मतदारसंघातून ते विधानसभेची निवडणूक जिंकली आणि राघोगड मतदारसंघातून ते विधानसभेचे सदस्य झाले.

१९७८-७९ मध्ये दिग्विजय सिंह यांना प्रदेश युवा काँग्रेसचे महासचिव बनवले गेले. १९८० मध्ये परत राघोगड येथून निवडणूक जिंकल्यानंतर दिग्विजय यांना अर्जुनसिंग मंत्रिमंडळात कृषी राज्यमंत्रीपद देण्यात आले. १९८४, १९९२ मध्ये दिग्विजय यांनी लोकसभा निवडणुका जिंकल्या. १९९३ आणि १९९८ मध्ये ते मध्य प्रदेशच्या मुख्यमंत्री राहिले. २००४ ते २०१८ कॉंग्रेसचे सरचिटणीस असताना त्यांनी अनेक राज्यांचा कार्यभार सांभाळला आहे. त्यांच्या कार्यकाळात (प्रभारी) कॉंग्रेसने बर्‍याच राज्यात चांगले प्रदर्शन केले. आसाम, महाराष्ट्र, कर्नाटक आणि राजस्थान येथे सरकारे स्थापन झाली होती आणि उत्तर प्रदेश, गोवा आणि बिहारमध्ये त्यांनी कॉंग्रेसची मतांची टक्केवारी वाढवण्यास हातभार लावला. ते सध्या राज्यसभेचे खासदार आहेत. २०१७ मध्ये दिग्विजय सिंह यांनी चालत “नर्मदा परिक्रमा” करण्याचा मानस केला होता व तो मानस ६ महिन्यांत ३००० किमी लांबीचा नर्मदा परिक्रमा चालत पूर्ण केला.

संजीव वेलणकर पुणे.
९४२२३०१७३३