एक ‘राजा’ प्रजेचा…

दादासाहेब फाळकेंचा पहिला मूकपट ‘राजा हरिश्चंद्र’ हा १९१३ साली प्रदर्शित झाला. त्यानंतर अनेक मूकपटांची निर्मिती झाली. तेव्हा मूकपट पडद्यावर चालू असताना तबला पेटी वाजवून काहीजण संगीताची साथ देत असत. अशाच एका थिएटरमध्ये संगीत साथ देणारे एकाच ठिकाणी बसून कंटाळले की, त्यांना पाय मोकळे करण्यासाठी संधी देऊन स्वतः पेटी वाजवणारा एक तरुण होता. तो गंमत म्हणून हे काम करीत असे, मात्र काही कालावधीनंतर ह्याच चित्रपटसृष्टीत तो नाव कमविणार आहे हे चित्रगुप्ताने आधीच लिहून ठेवले होते, याची त्याला सुतराम कल्पना नव्हती… त्या तरुणाचे नाव होतं, राजाराम दत्तात्रय परांजपे!!