जीवन एक “जाते”

जात्याच्या पात्यामध्ये, भरडला जाई दाणा  ।
दोन चाकांत येईल,  मोडेल त्याचा कणा  ।।१।।

जीवन मृत्यूची चाके,  सतत फिरत राही  ।
येई जो मध्ये त्याच्या,  मागे न उरेल काही  ।।२।।

मध्यभागी राही स्थिर,  आंस त्यास म्हणती  ।
वरचे चाक फिरे,  त्याच्या भोवती  ।।३।।

आंसाजवळील दाणा,  दूर तो चाकापासूनी  ।
परिणाम चाकाचा तो होईल,  मग कोठूनी  ।।४।।

जन्म मृत्यूची चाके,  ईश्वर हा फिरवतो  ।
जवळीक त्याची मिळता,  दु:खातून मुक्त होतो  ।।५।।

डॉ. भगवान नागापूरकर
९००४०७९८५०
Nagapurkar@gmail.com