कोण ती स्फूर्ती देवता ?

मजला नव्हते ज्ञान कशाचे,

पद्यामधल्या काव्य रसाचे  ।

कोठून येते सारी शक्ती,

काव्य रचना करूनी जाती  ।।१।।

 

अवचितपणे विचार येतो,

भावनेशी सांगड घालीतो  ।

शब्दांचे बंधन पडूनी,

पद्यरूप जातो देऊनी  ।।२।।

 

सतत वाटते शंका मनी,

हे न माझे, परि येई कोठूनी  ।

असेल कुणी महान विभूती,

माझे कडूनी करवून घेती  ।।३।।

 

तळमळ आता एक लागली,

जाणून घ्यावी  शक्ती आगळी  ।

अर्पीन माझे प्राण त्याला,

स्फूर्ती देवता जो मज झाला  ।।४।।

 

डॉ. भगवान नागापूरकर

९००४०७९८५०

bknagapurkar@gmail.com