मराठी संस्कृती (मुक्तछंद)

महाराष्ट्राची मराठी संस्कृती
आहे थोर किती

घंटानाद आणि काकड आरतीने
होते प्रभातीची सुरुवात नामस्मरणाने

सडासारवण,सुबक रांगोळी छान
दारी अगत्याचे झुले तोरण छान

येता वासुदेव दारी
पसाभर धान्य देती नारी

जात्यावरच्या ओवीने
आयुष्याचे वस्त्र विणले

दारोदारी गुढी उभारूनी
नववर्ष स्वागत घरोघरी

झुलला पाळणा रामनवमीसी
हनुमंताची जयंती अंजनेरीसी

भांडले-तंटले परी व्रतवैकल्य केले
वडपोर्णिमे सवे हरतालिका पुजन केले

घरोघरी येता गणपती
गौराई नटून आली

दुर्गापुजन,शस्त्रपुजन
दिवाळीत केले लक्ष्मीपुजन

दिवाळी-दसरा,
हात-पाय पसरा
सुगी कापणीच्या राशी
घेती घरात आसरा

संक्रातीचा सण सरता
होळी अंगणी पेटते
मराठी संस्कृतीत
संतमहिम्याची पोत नाचते

— सौ.माणिक शुरजोशी
नाशिक