मोक्षमुक्ती

भाळी ! असावे दान जीवाला
विवेकी ! संस्कारी सहवासाचे

जन्मदात्यांच्या , मंगल उदरी
प्राशावे अमृतघट सात्विकतेचे

जन्माजन्मातुनी जन्म मानवी
वैभवी सुखदा , दान संचिताचे

सत्कर्माची नित्य कांस धरावी
नीतिमूल्य ! जपावे मानवतेचे

हवेत कशाला ते दुष्ट हेवेदावे
रुजुदे , ऋणानुबंध वात्सल्याचे

जगणे केवळ बुडबुडा क्षणाचा
मिथ्याच जीवन ! सत्य युगाचे

लाभावी , गुरुकृपाच आगळी
शापित ! सरावे सारे जीवनाचे

तो अगम्य हरि एक सावरणारा
हे केवळ अटळ सत्य जीवनाचे

हृदयांतरी त्याचे स्मरण असावे
तत्व ! हेच अंतत: मुक्तीमोक्षाचे

— वि.ग.सातपुते.(भावकवी )

9766544908

रचना क्र.१५३.

१५ – १२ – २०१.