नशिब

नाही मज मायबाप
नसे कुठे घरदार
घर हे अनाथालय
होतो उकीरड्यावर ।।१।।

आता बघा झालो मोठा
वावरतो समाजात
विचारता जन्मदाता
प्रश्न हे अनुत्तरीत ।।२।।

थोर नशिबाचे फेरे
छत्र खंबीर लाभले
इथे वाढलो घडलो
नाही काही बिघडले ।।३।।

बद्धि अचाट अफाट
माझे कवच कुडलं
तिच्या जोरावर आज
उच्च स्थान मिळवलं ।।४।।

बळी कुमारीमातेचा
शाप भोगतो जनाचा
चेष्टा करीते जनता
पूर वाहतो अश्रूंचा ।।५।।

याला म्हणावे नशीब
गुन्हा असतो कुंतिचा
भोग असतो बाळाचा
कथाभाग या कर्णाचा ।।६।।

— सौ.माणिक शुरजोशी
नाशिक