न्याय देवते

कुठे तु गेलीस न्याय देवते,

जगास सोडूनी याच क्षणी  ।

अन्यायाची कशी मिळेल मग,

दाद आम्हाला या जीवनी  ।। १ ।।

 

परिस्थितीचे पडता फेरे,

गोंधळूनी गेलीस आज खरी  ।

उघड्या नजरे बघत होती,

सत्य लपवितो कुणीतरी  ।।२।।

 

दबाव येता चोहबाजूनी,

मुस्कटदाबी होती कशी  ।

शब्दांना परि ध्वनी न मिळता,

मनी विरताती, येती जशी  ।।३।।

 

बळी कुणाच्या पडली तू गे,

मार्ग रोखीले तुझे कसे ते  ।

अपयश येता सत्यालाही,

म्हणू कसा तूज ‘न्याय देवते’  ।।४।।

 

आज न आले यश जरी,

न्याय येईल उफाळूनी  ।

अंतिम विजय हा सत्याचा,

जाणीव आहे ह्याची मनी  ।।५।।

 

डॉ. भगवान नागापूरकर

९००४०७९८५०

bknagapurkar@gmail.com