पाप वा पुण्य काय ?

काय पुण्य ते काय पाप ते,

मनाचा  खेळ हा

ज्यास तुम्ही पापी समजता,

कसा तो तरूनी गेला….१,

 

कित्येक जणाचे बळी घेवूनी,

वाल्या ठरला होता पापी

मनास वाटत होते आमच्या,

उद्धरून न जाई कदापी….२,

 

मूल्यमापन कृतीचे तुमच्या,

जेव्हा दुसरा करतो,

सभोवतालच्या परिस्थितीशी,

तुलना त्याची तो करतो …..३

 

तेच असते पाप वा पुण्य,

आमच्या अंत:करणा वाटे

आतील आवाज सत्यचा,

तोच तुमच्या मनास पटे….४

 

डॉ. भगवान नागापूरकर

संपर्क – ९००४०७९८५०

bknagapurkar@gmail.com