पाऊस दाटलेला डोळी

  देह चिंब-चिंब ओला, पाऊस दाटलेला डोळी
भिजलेल्या गौरदेही, आरस्पानी ही काचोळी

  पावसाळी ऋतु  जणू ,  मेघ मल्हाराची  ताण
माती मुल्खाची सुग्रण,पावसाच्या ओठी गाणं

  डोळे  भरले  नभाचे,  धरणीच्या  प्रीतिपोटी
खुळ्या पावसाची प्रीत,रानपाखरांच्या ओठी

  नदी, नाले  आळविती,  पशु-पक्ष्यांची  तहान
वृक्ष वल्लरीच्या देही, पहिल्या पावसाची खूण

  अरे, पावसा पावसा, आम्ही गातो तुझी गाणी
असा ये रे ! तू बेताचा,  होऊ दे रे ! आबादानी

डाॅ.धोंडोपंत मानवतकर,
२३ जलै २०२२