चाहूल पहिल्या वळवाची,
मनात रिमझिम पावसाची,
घोंग-घोंग वारे व्हायले,
आकाशाने रंग बदलले !
पाऊस पहिला वळवाचा,
मनात साठवून ठेवायचा,
घन:शाम ढगांना घेऊन आला,
आठवणींना उजाळा दिला !
पाऊस पहिला वळवाचा,
अचानक धो-धो बरसायचा,
डोंगर दर्यांना खुणवायचा,
लता वेलींना हसवायचा !
पाऊस पहिला वळवाचा,
बच्चे कंपनीच्या आवडीचा,
कारण शाळेला दांडी मारायचे,
पावसात मनसोक्त भिजल्याचे !
पाऊस पहिला वळवाचा,
आवडता ऋतू प्रेमयुगलांचा,
चिंब भिजत भटकायचे,
दु:ख सारे विसरायचे !
पाऊस पहिला वळवाचा,
कणसं भाजून खायचा,
कांदा भजी सोबत,
वाफाळलेल्या चहा प्यायचा !
पाऊस पहिला वळवाचा,
बर्याच वर्ष अनुभवाचा,
मनात गुदगुदल्या होतांना,
ते दिवस आठवतांना !
जगदीश पटवर्धन
