फास

श्री शांतपणे सोफ्यावर कॉफीचा मग घेऊन बसला होता . ‘मानसी इंडस्ट्री’चा मालक श्रीकांत, हजारो नसली तरी शेकडो कोटीची उलाढाल असलेली स्टील इंडस्ट्री . वय फक्त सत्तावीस ! स्वप्नांच्या मागे धावणारा एक वेडा , अशी त्याच्या मित्रात त्याची ओळख होती . कॉफी संपत अली होती , तोच कोठेतरी मोबाईलची रिंग झाली . तिचाच फोन असणार ! नक्कीच !कारण तिच्या  अस्पष्ट आवाजातले बोलणे त्याला ऐकू येत होते . बहुदा ती ग्यालरीत किंवा किचन मधून बोलत असावी .  शब्द उमगत नव्हते पण टोन कळत होता . कोणास तरी ती लाडे – लाडे बोलत होती . श्री च्या कपाळावर आठ्या पडल्या .

“मनु “त्याने जरा वरच्या पट्टीतच हाक मारली .

आपल्या ओल्या केसांना टॉवेल गुंडाळत मानसी बेडरूम मधून बाहेर आली . नुकतीच तिने शॉवर घेतला असावा . छान टवटवीत दिसत होती . सध्या कॉटन च्या साडीत सुद्धा ती सुंदर व सात्विक दिसत होती . अन का नाही दिसणार ? हेवा वाटावा अशी पाचफुट आठ इंच उंची , सत्यनारायणाच्या प्रसादाला भाजलेल्या रव्या सारखा गव्हाळ  आणि नितळ कांती ,  उंचीत भर घालणारी सडसडीत अंगकाठी , निरागस बदामी आकाराचा चेहरा , रेखीव नाक ,बोलके डोळे , पातळ गुलाबी ओठ , आणि भुरळ घालणारी फिगर !
या -या रूपावर भाळून तर आपण हिच्याशी लग्न केले .
“का रे , मला आवाज दिलासा का तू ? अजून कॉफी हवी का ,तुला ?” मानसीने विचारले . मानसीच्या आवाज फारसा गोड नसला तरी ‘सेक्सी ‘ होता .
” ते कॉफीचं राहू दे . कोणाचा फोन होता ग आत्ता ?”
“काय ? फोन ?कधी ?” मानसीने विचारले . तिच्या डोळ्यात फक्त आश्चर्य काठो काठ भरले होते .
“अग ,तू आत्ता बोलत होतीस ना ?”
” मी ? नाही रे !मी तर नुकताच बाथ घेऊन आलीयय ! ”
“मला खोट बोलू नकोस ! हल्ली तुला सारखे कोणाचे तरी फोन येत असतात !मला खात्री आहे तुझे कोठे तरी ‘अफियर ‘आहे !त्याचेच तुला फोन येतात ! ”
” स्टॉप इट! ,श्री . तुला हजारदा सांगितलंय ,हा तुझा भ्रम आहे !”मानसी खूप बेचैन झाली . श्री बरेचदा असाच रिऍक्ट होतो हल्ली !
“मी आता गप्प बसणार नाही ! तुला आणि ‘त्याला ‘ चांगला धडा शिकवीन !”श्री भयानक भडकला .
“ओके . ओके ,श्री तू आधी शांत हो ! आपण थोड्या वेळाने सविस्तर बोलू . प्लिज कुल डाऊन ! अरे इतका एक्साईट नको रे होऊस बाबा ! मला तुझी न भीती आणि काळजी वाटायला लागते रे ! प्लिज शांत होना ?”मानसी काकुळती येऊन म्हणाली .
” तू मला फसवते आहेस आणि आणि मी कसा  शांत होऊ ? ” तणतणत श्री बेडरूम मध्ये गेला आणि धाडकन दार लावून घेतले .
हताश नजरेने ती बंद दाराकडे बघत राहिली . श्री ची केस आता सायकिऍट्रिसच्या हाती देण्याची वेळ अली आहे . कसलं खूळ डोक्यात घेतलंय कोणास ठाऊक ?काहीही असो उपाय तर करायलाच हवा . नसता वेडा होईल .

००

डॉ काळे , नामवंत मानोसोपचार तज्ञ् . यांच्या क्लिनिक मध्ये श्री आणि मानसी डॉ काळेंच्या समोर त्यांच्या कन्सल्टेशन रूम मध्ये बसले होते .
“डॉ . हे माझे पती श्रीकांत . “मानसीने श्री ची ओळख करून दिली .
“श्री , तुम्ही सांगता का  मी सांगू ? का तुम्हास एकांतात डॉक्टरांशी बोलायचे आहे ?” मानसीने डॉक्टरनं देखत श्री ला विचारले .
“हे पहा मॅडम ,कोणीहि सांगा पण सांगताना तुम्ही दोघेही येथेच असावे ,म्हणजे ‘माझ्या अपरोक्ष यांनी भलतेच सांगितले ‘ अशा संशयाला वाव नको , असे मला वाटते . ” डॉक्टर काळेनी  आपल्या भारदस्त आवाजात सुचवले .
“तूच सांग .” श्री हळूच म्हणाला .
” ओके . डॉ . याना ,मला कोणाचे तरी फोन येतात असे वाटते , फोन वर मी बोलल्याचा हि भास होतो , आपण घरात नसताना ‘तो ‘ घरी येतो असे याना वाटते , आपल्यावर कोणीतरी सारखी नजर ठेऊन आहे असे वाटते , ‘तो ‘ माझा प्रियकर आहे असे  वाटते , ‘तो ‘ मला यांच्या पासून हिरावून नाही तर हिसकावून घेणार याची त्यांना खात्री आहे ! इतकेच काय  तो यांचा खून करून माझे हरण करणार आहे असा यांचा आहे  !”
” वाटते ,वाटते काय ? ते सगळं खरं आहे डॉक्टर ! हिचा तो जुना प्रियकर आहे ! हिचे आणि त्याचे अनैतिक संबंध आहेत ! हि व तो मिळून माझा खून करणार आहेत ! मी आता पोलिसात जाऊन सगळं सांगणार आहे आणि पोलीस प्रोटेक्शन घेणार आहे ! “श्री रागाने ओरडला .
“श्रीकांत ! असे ओरडू नका !हे क्लिनिक आहे ! शांत व्हा ! ” डॉ काळेंच्या आवाजात जरब होती .
“मॅडम , तुम्ही जरा बाहेर बसा . मला सरांशी एकांतात बोलायचे आहे . ”
मानसी रूम बाहेर गेली . तोवर श्रीने स्वतःस सावरले .
” तर ,श्रीकांत तुम्ही काही तरी सांगत होतात. सांगा आता ”
” डॉक्टर हीचा  खरेच एक प्रियकर आहे ! मला फक्त भास नाही होत !”
“ठीक . श्रीकांत आपण टू  द पॉईंट येवू . मला प्रामाणिक पणे सांगा . तुम्हाला ‘त्या ‘प्रियकराची कितपत माहिती आहे ? तुम्ही कधी त्याला प्रत्यक्ष पहिले आहे काय ?त्याचे नावं काय आहे ? तो काळा आहे कि गोरा ? त्याची उंची किती आहे ? तो काय करतो ?आणि त्याहून महत्वाचे तुमच्या लग्नाला पाच वर्षे झालीत ,आत्ताच ‘तो ‘ कसा उपटला ? आधीच का नाही आला ? ”
क्षणभर रूम मध्ये सन्नाटा पसरला .
” आज याची उत्तरे माझ्या कडे नाहीत .! पण संशय मात्र नक्कीच आहे .!आणि एक दिवस याची उत्तरे पण माझ्या कडे असतील !” श्री खालच्या आवाजात म्हणाला .
” द्याटस स्पिरिट ! श्रीकांत तुम्ही स्वतः शी  खूप प्रामाणिक आहेत . आपण खरच असा कोणी ‘प्रियकर ‘ आहे का याची खात्री करून घेऊ . माझा एक मित्र डिटेक्टिव्ह एजन्सी चालवतो . तो हे काम करील . अर्थात तुमच्या परवानगीने . त्यात काही तथ्य आढळून आले तर तुम्ही म्हणता तसे पोलीस प्रोटेक्शन घेऊ . स्वरक्षण करण्याचा प्रत्येकाला हक्क आहे . तोवर आपण ट्रीटमेंट सुरु करू ! त्यामुळे तुम्हास मानसिक बळ मिळेल , आत्मविश्वास वाढेल , फॅक्ट्ररीत  खूप ट्रेस येतो, तो हि कमी होईल , मन शांत होईल , आणि समजा काही भ्रम असेल तर तोहि कमी होईल ! आपण सारे सुरळीत करू . पण हे सारे तुमच्या सहकार्यावर अवलूंबून आहे . विश्वास ठेवा मी कायम तुमच्या सोबत आहे ! कधीही थोडी जरी बेचैनी वाटली तरी सरळ  फोन करा ! श्रीकांत ,आत्ता आपण जे बोललोय ते तुमच्या माझ्यात राहील .! त्यातले मी मॅडमशी काही शेअर करणार नाही ! तुम्ही हि काही सांगण्याची गरज नाही ! मला आता मॅडम शी बोलायचे आहे . त्यांची पण बाजू ऐकावी लागेल ! तेव्हा प्लिज त्यांना आत पाठवा आणि तुम्ही बाहेर रिलॅक्स व्हा . ”
डॉक्टर काळेंच्या आश्वासक सल्ल्याने श्री ला खूप बरे वाटले . तो केबिन बाहेर पडला .
मानसी केबिन मध्ये अली . डॉक्टर काळे काही विचारात गाढले होते . मानसीची चाहूल लागताच त्यांनी तिला बसायला सांगितले .
“या मॅडम ,बसा . मी श्रीकांतान्शी सविस्तर बोललो . त्यांची ‘केस ‘खूप ऍडव्हान्स स्टेजला गेलीय ! ”
“म्हणजे ?”मानसीने घाबरून विचारले
” अहो , त्यांचा ‘भ्रम ‘ खात्रीच्या उंबरठ्यावर आहे ! केव्हाही ‘खात्रीत ‘परावर्तित होईल ! मग त्यांचे मन त्या ‘प्रियकराचे ‘स्वतंत्र अस्तित्व तयार करील . त्यातून लवकर सुटका होणे अवघड असत !”
“बापरे !अहो आता मी काय करू ? केव्हाची त्याला विनवतेय येथे येण्यासाठी ! कसाबसा मित्रांना सांगून आज इथपर्यंत आणलाय ! ” मानसी रडवेल्या स्वरात म्हणाली . आतून तुटत असल्या सारखी .
“मॅडम ,अश्या हताश नका होऊ . आणि धीर पण नका सोडू ! आपण सर्वतो परी प्रयत्न करू ! नक्की यश येईल . त्या साठी त्यांना संमोहित करून त्यांच्या अंतर्मनाला सूचना द्याव्या लागतील कि ‘असा कोणी प्रियकर अस्तित्वात नाही ‘ . किती सिटिंग्स घ्याव्या लागतील हे त्यांच्या सहकार्यावर अवलुबुन आहे . तोवर त्यांना खूप जपावे लागेल . आहार ,विहार बरोबरच मनाची पण काळजी घ्यावी लागेल . एक्साईट होतील असे काही करू नका .मी काही औषधे देतोय ती वेळेवर द्या . विशेषतः रात्रीचा डोस महत्वाचा आहे . तो मात्र चुकवू नका . शिवाय एक ऑडिओ ट्यून या पेनड्राइव्ह मध्ये देतो , झोपताना हि योगनिद्रेची ट्यून हेडफोन लावून ठेवा . अतिशय शांत आणि शीतल ट्यून आहे ,शिवाय त्यात मी काही पॉसिटीव्ह सजेशन्स घातलेत . आराम वाटेल . काही दिवस फॅक्टरी पासून जमल्यास दूर ठेवा , तेव्हडाच ट्रेस कमी होईल . आणि हो काळजी करू नका ! काही कमी ज्यास्त वाटले तर सरळ फोन करा . ”
डॉक्टर काळेंच्या शब्दांनी मानसीला धीर आला .
मानसी आणि श्री काळेंच्या क्लिनिक मधून बाहेर पडले .

००

दर महिन्याच्या सीटिंग मध्ये श्री स्टेबल होत होता . थोडी थोडी प्रगती होतेय असे वाटत असतानाच , एके दिवशी श्री ने रेल्वे खाली उडी मारून आत्महत्या केली !

मानसीवर आभाळ कोसळले .!
००
जगाच्या पाठीवर दूर कोठेतरी आलिशान व्हिला मध्ये  डॉ. काळे आणि मानसी एकत्र होते ! टेरेसवर उंच  मानेच्या ग्लासात त्याहून उंची ड्रिंक घेत डॉ. काळे रिलॅक्सेड मूड मध्ये ,आपल्याच नशिबाचा हेवा करत बसले होते ! मानसी सारखी ‘सेक्सी डॉल ‘आणि करोडोची संपत्ती त्यांना मिळाली होती ! मग का करू नये नशिबाचा हेवा ! शेवटी डोकं कुणाचं ? लोक चहा, कॉफी, दारूत विष घालून मारतात , अन मी ? योगनिद्रेत निगेटिव्ह सजेशन मिसळून सुसाईड करवली  ! ज्ञान कधीच वाया जात नाही ! पण क्रेडिट गोज टु  मानसी ! हा सगळा प्लॅन तिचाच ! समोर मानसीचा पेग भरून ठेवला होता . एव्हाना ती जॉईन व्हायला हवी होती ? पण काय करतेय मानसी ? त्यांनी कानोसा घेतला . ती मोबाईलवर कोणालातरी या विकेंडला भेटीचे प्रॉमिस करत होती ! फोन पूर्ण करून मानसी कळेना जॉईन झाली .
” कोणाचा फोन होता ?” काळेंनी मानसीला विचारले .
” फोन ? कुणाचा फोन ? फोन तर या येथेच , तुझ्या समोरच तर पडलाय ! ” आपला पेग उचलत मानसी कमालीच्या आश्चर्याने म्हणाली !
डॉ . काळे वेड्या सारखे समोर पडलेल्या तिच्या फोन कडे बघत राहिले ! म्हणजे पुढचा फास आपल्याच गळ्या भोवती तर नाही ?श्री सारखा !

— सु र कुलकर्णी

— आपल्या प्रतिक्रियांची वाट पाहतोय . पुन्हा भेटूच . Bye