लेखक, नाट्यअभिनेते प्रा. भालबा केळकर

प्रा. भालचंद्र वामन केळकर ऊर्फ भालबा केळकर हे मराठी लेखक, नाट्यअभिनेते व रसायनशास्त्राचे प्राध्यापक होते. त्यांंचा जन्म २३ सप्टेंबर १९२० रोजी झाला.

त्यांनी प्रोग्रेसिव्ह ड्रॅमॅटिक असोसिएशन ही नाट्यसंस्था स्थापली. त्यांनी पुण्यातील फर्ग्युसन महाविद्यालयात रसायनशास्त्राचे अध्यापन केले.

भालबा केळकरांनी बालनाट्येआणि नभोनाट्ये लिहिली. त्यांच्या बालनाट्यांमध्ये शास्त्रीय विषय रंजकतेने मांडलेले असत.

१९६१ साली प्रोग्रेसिव्ह ड्रॅमॅटिक असोसिएशन (पीडीए) संस्थेने रंगमंचावर आणलेल्या “प्रेमा तुझा रंग कसा'”’ या नाटकाचे दिग्दर्शन भालबा केळकरांनी केले होते. त्यातील “”प्रोफेसर बल्लाळ” हे पात्रही त्यांनी रंगवले होते.

पीडीएच्या “वेड्याचे घर उन्हात”, “तू वेडा कुंभार” या नाटकांचे दिग्दर्शनही त्यांनीच केले. मात्र नाट्यनिर्मितीच्या प्रक्रियेदरम्यान भालबा केळकरांसारख्या मंडळींना महत्त्वाची वाटत असलेली उत्स्फूर्तता आणि श्रीराम लागूंसारख्या मंडळींना आवश्यक वाटणारी शिस्त यांवरून पुढील काळात पीडीएत मतभेद वाढत गेले.

भालबा केळकर यांचे ६ नोव्हेंबर १९८७ निधन झाले.

— संजीव वेलणकर पुणे.
९४२२३०१७३३
संदर्भ.इंटरनेट

भालबा केळकर यांचे साहित्य

असा देव, असे भक्त
ही रक्तरेषा पुसली जाईल का?
शेरलॉक होम्सच्या चातुर्यकथा (भाग १ ते ६)
लोखंडी राक्षसाचा पराभव
तो तो नव्हताच
तलावातील रहस्य.