पुष्पक विमान – कर्नुल परिसर – आंध्र प्रदेश

पुष्पक विमान ….
कर्नुल परिसर…. दक्खनचं पठार .. आंध्र प्रदेश

हे निसर्ग निर्मित पुष्पक विमान इथे गेली शेकडो हजारो वर्ष आहे …. दक्खनच्या पठारावर किती पावसाळे … वादळं आली आणि गेली. पण हे नैसर्गिक पाषाणशिल्प मात्र आहे तसंच आहे … इकडे येणाऱ्या प्रवाश्यांची नजर गेली आणि त्यांना या पाषाणशिल्पातलं दैवी अप्रूप दिसलं तर मात्र ते दिग्मूढ होऊन जातात ….हजारो टन वजनाच्या या भल्या मोठया पाषाणाच्या मध्यभागी एक छोटासा पाषाण आहे …. त्याचा तोल सावरायला … तो देखील इतक्या योग्य ठिकाणी कसा … आणि इतकी वर्ष या महाप्रचंड पाषाणाला त्याने तोलून धरलंय …. त्याचा तोल कुसभर देखील ढळू दिलेला नाहीये … निसर्गाची किती किती महान कमाल असू शकते … नजर हटता हटत नाही …… विश्वास बसत नाही अशी निसर्गाची ही जादुई कारागिरी…. नजर आपोआप नत होते ….

हे चित्र, शिल्प, ही वीणा आणि मृदूंग
येतात कोठुनी त्यातिल भावतरंग
हे हातावरच्या भाग्य नसे रेषांचे
आहे हे संचित, देणे भगवंताचे ….

– रॉय किणीकर
(copyright of this image lies with Prakash Pitkar…)

— प्रकाश पिटकर