रडवून जाणाऱ्या हसवून जाणाऱ्या ग

बाई ग हसते तू बोलते तू ग

उरातले दुःख हलकेच लपवते तू ग

कोणाला न कधी ते दुःख तू सांगणार ग

रडले काय विझले काय नयन तुझे ग

बाई ग कोरड्या डोळ्यांत पाणी थिजले ग

कोणाला न कधी अश्रू कोरडे ते दिसणार ग

हरवली तू मिटली तू मनातून तुटली ग

बाई ग भावनांच्या बाजारात बंधात विझली ग

कोणाला न कधी मनाची तुझ्या तार कळणार ग

बयो जन्म तुझा बाईचा ग

बाई ग सोशिक सहन करण्यात तू विझली ग

कोणाला न कळली तू स्त्री शब्दांत व्यथा उरली ग

रडली ग भांडली ग हक्कासाठी झिजली ग

बाई ग परी हृदयातून वीण न झंकारली ग

कोणाला न कळली तुझ्या मनाची घालमेल ग

सासर जपले माहेर जपले तू ग

आला गेला तुझाच गोतावळा समजली तू ग

कोणाला न कळली परी तुझ्या नात्याची तार ग

जन्मोजमीच्या कथा या साऱ्या तुझ्या ग

स्त्री जन्मा ही तुझी कहाणी ग

कोणाला न कळते मन तुझे स्त्री जन्म हा तुझा ग