ऋणमुक्त जीवन

जीवन होते गर्दी मधले,  मुंबापुरीचे त्याचे,

खडतर असती मार्ग सारे,  येथील जगण्याचे…१,

दिवस होता त्याचेसाठी,  तारेवरची कसरत

धावपळ  करीत असता,  सावध ठेवी चित्त….२,

जाण होती एकची त्याला,  मृत्यू आहे स्वस्त इथे

सज्ज राही सदैव मनी,  स्वागत करण्या त्याते….३,

ठेवीत होता धन थोडेसे,  स्वत:चे जवळी,

उपयोगी ते पडेल केंव्हां,  येत्या संकटकाळी….४,

लिहून ठेवीले पत्र एक ते, त्याने खिशामाजी

“ऋणमुक्त जीवन व्हावे,  अंतीम इच्छा माझी”……५,

डॉ. भगवान नागापूरकर

९००४०७९८५०