सासरी जाताना

हास्यमुखाने निरोप दे ग, प्रेमाने भरला

विसरावी मी ओढ येथली,  जाता सासरला…. ।। धृ ।।

 

खूप दिले तू प्रेम आजवरी, सदैव ठेवीत पदर शिरी,

पंखांना परि शक्ती देवूनी,  सांग मला ग घेण्या भरारी

सैल कर तू पाश आपला…१,

हास्य मुखाने निरोप दे ग प्रेमाने भरला,

 

संसारातील धडे देवूनी,  केलीस तयार कष्ट घेवूनी

कुठे लोपला आज विश्वास तो,  जागृत होता सदैव मनी

नकोस देवू वाव शंकेला…२,

हास्य मुखाने निरोप दे ग प्रेमाने भरला,

 

ते तर केवळ घर निराळे, मायेने परि आहे भरले,

जसे मिळवले प्रेम माहेरी,  वाटीत जाईन सासरी सगळे

आठवण करिता येईन भेटीला…३,

हास्य मुखाने निरोप दे ग प्रेमाने भरला

 

— डॉ. भगवान नागापूरकर

९००४०७९८५०