सतत बरसणारी दया

प्रभू दयेची बरसात,   चालू असते सतत
ज्ञानाची गंगोत्री वाहते,   पिणाऱ्यालाच ती मिळते

प्रत्येक क्षण दयेचा,   टिपणारा ठरे नशिबाचा
जलात राहूनी कोरडे,   म्हणावे त्यास काय वेडे

फळे पडतां रोज पाही,   त्याची कुणा उमज न येई
परि न्यूटन एक निघाला,   बघे गुरुत्वाकर्षण शक्तीला

चहा किटलीचे झाकण हाले,   स्टिफनसनने इंजीन शोधले
जीवनातील साधे प्रसंग,  शास्त्रज्ञांची बनले अंग

प्रभू असतो सतत तयार,  ठरवा तुम्ही दया कशी घेणार

डॉ. भगवान नागापूरकर
९००४०७९८५०