ज्येष्ठ क्रिकेटपटू नरी कॉन्ट्रॅक्टर यांचा जन्म ७ मार्च १९३४ रोजी झाला.
नरीमन जमशेदजी तथा नरी कॉन्ट्रॅक्टर १९६०-६१ साली कॉन्ट्रॅक्टर हे भारताचे कर्णधार झाले होते, त्यावेळी त्यांचे वय होते २६ वर्षे. कॉन्ट्रॅक्टर यांनी ३१ कसोटी सामन्यांमध्ये ३१ च्या सरासरीने १६११ धावा केल्या आहेत. १९६२ साली भारतीय क्रिकेट संघ वेस्टइंडिज दौऱ्यावर गेला होता. वेस्ट इंडिज चे गोलंदाज त्यावेळी वाऱ्याच्या वेगाने गोलंदाजी करायचे आणि त्या दौऱ्यात देखील अपेक्षेप्रमाणे त्यांनी तेज गोलंदाजी केली. परिणामी बरेच भारतीय खेळाडू दुखापतग्रस्त झाले त्यात त्यावेळचे भारतीय कर्णधार नरी कॉन्ट्रॅक्टर यांचा देखील समावेश होता त्यांच्या डोक्याला गंभीर दुखापत झाली होती आणि तात्काळ रुग्णालयात हलवण्यात आलं, त्यावेळी परदेशी असलेल्या या भारतीय खेळाडूला रक्ताची गरज होती तेव्हा वेस्ट इंडिज चा खेळाडू फ्रॅंक वोरेल सर्वात आधी रुग्नालयात पोहचवला आणि इतकेच न्हवे तर त्याने रक्तदान देखील केले होते.
— संजीव वेलणकर.
९४२२३०१७३३
पुणे.
Leave a Reply