नवीन लेखन...

सोना बंटी

 

सुखद सोहळा, स्वयें पाहण्या, जगतांमाजीं, लवकर आला,
चला चला रे, त्वरा करा, क्षण भाग्याचा हा, समीप आला ।
झटपट झटपट, झरझर झरझर, चिन्मय झाला वर्षाचा,
चिनमय झाला वर्षाचा, बाई, चिन्मय झाला वर्षाचा ।।धृ।।बोल बोबडे बोलुनि, दाडे दाडे, हात उडवितो भरा भरा,
हात उडवितो भरा भरा ।सरकत सरकत सस्मित वदनें,
येतो घसरत झराझरा,येतो घसरत झराझरा ।।

खेळ खेळुनि खेळत असतां, वाटे मजसी हवा हवा,
वाटे मजसी हवा हवा ।
खदखद हांसुनि मुदित मुखानें, भुवई उडवी सदाकदा,
भुवई उडवी सदाकदा ।।
वाटे, ईशकृपा, झाली मजवरी, जन्म जाहला रामाचा ।।१।।

टाळ्या बाई हा टाळ्या बोलुनि, खुद्कन् हसतो गालांत,
खुद्कन् हसतो गालांत ।
गोंडस ऐसे, देखुनि लोभस रुपडे, हर्ष माईना हृदयांत,
हर्ष माईना हृदयांत ।।

कुठे ठेवू मी अन् कसे त्याला, कळे न मजसि भोळीला,
कळे न मजसि भोळीला ।
इवले इवले खेळ खेळणे ते लळा लाविती जीवाला,
लळा लाविती जीवाला ।।
राहुनि राहुनि नित मनांत येई, जन्म जाहला कृष्णाचा ।।२।।

हातांवरी पट्कन् जोर देऊनि, करी उंच उंच मान,करी उंच उंच मान ।
हळू हळू अंगी येऊं लागले बळ, दिसला जरी हा सान,
दिसला जरी हा सान ।।

काम पायीं, तयां गूर ठेविता, आवाज भासे घंटानाद,
आवाज भासे घंटानाद ।।
देखुनि जिद्द तयाची मनांस वाटे, जन्म झाला शिवबाचा ।।३।।

-गुरुदास / सुरेश नाईक

— सुरेश वासुदेव नाईक उर्फ गुरुदास

Avatar
About सुरेश वासुदेव नाईक उर्फ गुरुदास 43 Articles
श्री. सुरेश नाईक हे एक उत्तम कवी आणि प्रवासवर्णनकार आहेत. त्यांनी अनेक प्रवासवर्णने पद्यस्वरुपात लिहिली आहेत. ते “गुरुदास” या टोपणनावानेही लेखन करतात. भारतीय नौकानयन महामंडळातून निवृत्त अधिकारी. मराठी / हिंदी / इंग्रजी भाषांचा व्यासंग. काव्य गायनाचे/काव्य वाचनाचे शेकडो कार्यक्रम केले आहेत.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

गडचिरोली जिल्ह्यातील आदिवासींचे ‘ढोल’ नृत्य

गडचिरोली जिल्ह्यातील आदिवासींचे

राज्यातील गडचिरोली जिल्ह्यात आदिवासी लोकांचे 'ढोल' हे आवडीचे नृत्य आहे ...

अहमदनगर जिल्ह्यातील कर्जत

अहमदनगर जिल्ह्यातील कर्जत

अहमदनगर शहरापासून ते ७५ किलोमीटरवर वसलेले असून रेहकुरी हे काळविटांसाठी ...

विदर्भ जिल्हयातील मुख्यालय अकोला

विदर्भ जिल्हयातील मुख्यालय अकोला

अकोला या शहरात मोठी धान्य बाजारपेठ असून, अनेक ऑईल मिल ...

अहमदपूर – लातूर जिल्ह्यातील महत्त्वाचे शहर

अहमदपूर - लातूर जिल्ह्यातील महत्त्वाचे शहर

अहमदपूर हे लातूर जिल्ह्यातील एक महत्त्वाचे शहर आहे. येथून जवळच ...

Loading…

error: या साईटवरील लेख कॉपी-पेस्ट करता येत नाहीत..