तूच माझा ईश्वर

मनांत ठसले रूप तुझे,  येते नयना पुढे  ।
रात्रंदिन मज चैन ना पडे…..।।धृ।।

शरीर जरी सुंदर मिळे  ।
प्रयत्नांनी तूंच कमविले  ।।
चपलता ही छाप पाडीते  ।
लक्ष्य खेचूनी तुझ्याकडे
मनी ठसविले रूप तुझे येत नयना पुढे  ।१।

हासणे खेळणें आणि चालणें  ।
‘ढंगदार’  तुझे बोलणे  ।।
शरीरामधल्या हालचालींना  ।
सहजपणाचे वळण पडे
मनी ठसविले रूप तुझे येत नयना पुढे….।२।

स्वभाव आहे जरी मृदू तो  ।
प्रसंग पडतां कठीण भासतो  ।।
सज्जना पुढती नम्र दिसूनी  ।
दुर्जना शिरीं वज्र पडे
मनी ठसविले रूप तुझे येत नयना पुढे  ….।३।

हृदयीं माझ्या घर करूनी  ।
तव प्रतिमा दिली ठेवूनी  ।।
ईश्वर तूंच खरा तो  ।
पूजन सदैव करीते
मनी ठसविले रूप तुझे  येत नयना पुढे ….।४।
— डॉ. भगवान नागापूरकर 
९००४०७९८५०
bknagapurkar@gmail.com