तुझे तुलाच अर्पण !

तुझेच घेऊनी तुलाच द्यावे,  भासते ही रीत आगळी  ।
उमजत नाही काय करावे,  तुझीच असतां सृष्टी सगळी  ।।१।।

वाहणाऱ्या संथ नदीतील,  पाणी घेऊन अर्घ्य देतो ।
सुंदर फुले निसर्गातील,  गोळा करुन चरणी अर्पितो ।।२।।

अन्न ग्रहण करण्यापूर्वी,  नैवेद्य तुजला दाखवितो ।
जगण्याचा तो मार्ग दोखवी,  ह्याचीच पोंच आम्ही देतो ।।३।।

विचार ठेवूनी पदोपदीं,  साऱ्यांचा तूं असशी मालक ।
दुजास देण्यातील आनंद,  हाच मिळवित असे एक ।।४।।

डॉ. भगवान नागापूरकर
९००४०७९८५०
bknagapurkar@gmail.com