तुमचे यशस्वी कर्म

कसा, काय, कोण खेळला    बघत नाही कुणी

खेळातील यश अपयशच्या    राहतात फक्त आठवणी   ||१||

मरून गेला नाटककार तो    नावही गेले विसरूनी

जिवंत आहे आजही नाटक    रचिले होते, त्यांनी    ||२||

जगास हवे कर्म तुमचे    नको तुमचे जीवन

पशूसही जीवन असते    मरतो तो तसाच येवून    ||३||

वाल्याने केले खून    लोक विसरूनी जाती

आजही वाचता रामायण    कौतूक त्याचे करिती    ||४||

वेश्ये घरी राहीलेला,    गेला कालीदास विसरुनी

मेघदूत, शाकूंतल वाचता,    महाकवीच्या येई आठवणी    ||५||

वेचत असतो फूले आम्ही,    सोडूनी सारे काटे

लोकही घेती उचलूनी    त्यांना जे चांगले वाटे     ||६||

डॉ. भगवान नागापूरकर

९००४०७९८५०