तुझा स्पर्श

सप्त शृंगी गडासी
वणीची देवी
धावत येते
गाईन तुझी ओवी

पायरी पायरीस
हा तुझा स्पर्श
मना मोहवी
मनी दाटतो हर्ष

बोलले मी नवस
साडी चोळीचा
आले फेडण्या
नित्य ध्यास वणीचा

रुप सुंदर तुझे
हे मोहविते
भक्तासाठीच
गडा वस्ती करिते

लोळण घेतले मी
तुझ्या पायाशी
आसुसले मी
गं वर मिळण्याशी

महती गाईन मी
आई अंबाई
वणी वासिनी
तुच माझी धनाई

मागेन मी जोगवा
हा स्पर्श तुझा
या दरबारी
फिटे नवस माझा

सौ.माणिक (रुबी)