उर्जा अर्पण

करा सर्वस्व प्रभूसी अर्पण    त्यांतच मिळेल समाधान
जीवन अग्नी पेटत राही       उर्जा निघे त्याचे ठायीं

उर्जेचे होते रुपांतरण       साधत असे कार्य त्यातून
भावनेचा आविष्कार        देई जीवना आकार

व्यक्त करण्या भावना       उर्जा लागे त्यांना
एकाग्र करा मना       सोडूनी सारी भावना

एकाग्र चित्त हेच ध्यान     प्रभू मिळण्याचे साधन
सारी उर्जा ध्यानांत जाई    तीच प्रभूसी अर्पण होई

डॉ. भगवान नागापूरकर
संपर्क – ९००४०७९८५०
bknagapurkar@gmail.com