विठूचे पद मजला लाभावे
देह मातिचा बनण्यां कांचन, अन्य कशास हवे ?
नच माहित, मेघांच्या मागे विठ्ठल दिसतो कां कुणां ?
असती कां क्षितिजापल्याड श्रिठ्ठलवस्तीच्या खुणा ?
विठू भक्तहृदयीं वसतो, पण, ठाम मला ठावें ।।
अगणित जैसे तारे गगनीं, देवदेवता अनंत जगतीं
त्या सार्‍यांचें वंदन-अर्चन-पूजेनें जन मागत मुक्ती
मात्र माझियासाठी सारी विठूचीच नांवें ।।
क्षणभंगुर ही दुनिया चंचल, पळभर येथें थांबायाचें
त्या थांब्यावर, अखंड तोंडीं नाम चिरस्थिर-विठुरायाचें
नच गंगा, अंतीं ओठांना विठुनामच लागावें ।।
— सुभाष स.नाईक
पंढरीचा राणा
Leave a Reply